Mitsotakis nuk ftoi Ramën/ Von der Leyen në Athinë: Do rrëzojmë barrierat, duhet të afrojmë anëtarët e ardhshëm të BE

Në Greqi mbahet sonte darka informale e liderëve të Ballkanit Perëndimor e organizuar nga kryeministri grek Kyriakos Mitsotakis,

Pjesë e këtij takimi është edhe Presidentja e Komisionit Europian Ursula von der Leyen e cila tashmë po qëndron në Athinë me ftesë të kryeministrit grek, ftesë e cila mungoi për kryeministrin Edi Rama.

Nëpërmjet një reagimi në Twitter, Vond der Leyen shprehet se është me rëndësi që përafrimi i shteteve që aspirojnë të hyjnë në BE duhet të ndodhë sa më shpejt.

“Ne duhet t’i sjellim miqtë tanë, anëtarët aspirantë të BE-së shumë më afër nesh dhe shumë më shpejt. Gëzohem që jam në Athinë për të diskutuar perspektivën evropiane të fqinjëve dhe partnerëve tanë në Lindje dhe në Ballkanin Perëndimor. Ne do të vazhdojmë të rrëzojmë barrierat midis rajoneve tona”, shkruan Presidentja e KE në Twitter.

Ndërkohë, kanë konfirmuar se do të jenë të pranishëm kryeministrat Kurti e Kovaçevski si dhe presidenti i Serbisë Aleksandar Vuçiç./m.j