“Mora fjalë”/ Para ndeshjes Shqipëri- Çeki, Shkurte Fejza do përformojë në “Air Albania” këngën e Adem Jasharit

Emocionet dhe drithërimat në stadiumin “Air Albania” do të ndihen përpara fillimit të ndeshjes Shqipëri-Çeki.

Organizimi për këtë takim ka shumë ditë që ka nisur nga FSHF-ja, por ka ngritur në këmbë edhe shumë institucione shtetërore.

Ndërkohë, atmosfera ishte befasuese edhe dje, ku organizatorët vendosën në çdo ulëse të stadiumit “Air Albania” nga një plis, që do të ketë mundësi ta vendosi në kokë çdo tifozë. Imazhet ishin spektakolare, ndërsa pikat ngjyra kuq e zi në çdo cep të stadiumit, me një dekori fantastik.

Para takimit kualifikues të Euro 2024, këngatarja Shkurte Fejza do të përformojë këngën patriotike “Mora Fjalë”, duke elektrizuar kështu stadiumin.

Një teks i jashtëzakonshëm, i cili me siguri do motivojë në maksimum djemtë që do zbresin në fushë, për të dhuruar një tjetër natë magjike për gjithë shqiptarët anë e mbanë botës./m.j

The post “Mora fjalë”/ Para ndeshjes Shqipëri- Çeki, Shkurte Fejza do përformojë në “Air Albania” këngën e Adem Jasharit first appeared on JavaNews.al.