Në qeli pas akuzave për korrupsion në zgjedhje/ Shtyhet seanca për Fredi Belerin, ja arsyeja

Shtyhet senaca gjyqësore për Alfred Belerin më datën 24 tetor.

Shkak u bë zëvendësimi i gjyqtares Etleva Deda me Flora Hajredinaj.

Kjo e fundit kërkoi kohë të njihej me dosjen në ngarkim të Belerit e Pandeli Kokaveshit.

Beleri u arrestua dy ditë para zgjedhjeve vendore të 14 majit, pasi u kap duke dhënë para në këmbim të votave.

Që pas arrestimit të tij, Athina zyrtare ka bërë një sërë reagimesh, duke kërkuar që Beleri të lirohet e të kryej betimin për marrjen e detyrës, por deri më tani kjo gjë nuk është pranuar.

Greqia madje ka “kërcënuar” edhe me bllokim të negociatave në BE nëse Beleri vijon të mbahet në qeli.