“Njihni të drejtat tuaja dhe kërkojini ato”, Angelina Jolie jep mesazhin e bukur në shqip

Ylli i Hollywood-it,  Angelina Jolie, jo vetëm aktore e talentuar, por një grua humane me zemër të madhe e cila gjithmonë i ka bërtitur fortë kërkesat e saj për ndihmë ndaj njerëzve të varfër.

Ajo sapo ka publikuar librin e saj “Njihni të drejtat tuaja dhe kërkojini ato” të cilin e ndau me ndjekësit në Instagram, shkruan Living.

Aktorja në mesazhin krahas fotove, ka vendosur të shkruajë në anglisht, shqip dhe 2 gjuhë të tjera. Jolie thekson se libri i saj është publikuar në Shqipëri, Kosovë, Poloni, Romani dhe Moldavi.

Ndër të tjera Jolie shkruan “Për t’i kërkuar të drejtat tuaja, duhet t’i njihni ato”, si një mesazh ndaj aktivistëve të cilët duhet t’i mbrojnë të drejtat e fëmijëve dhe t’i bërtasin ato me zë të lartë.