“Non gratat” në qeverinë serbe, DASH: Të zhgënjyer me zgjedhjen e Vulin si zv.kryeminstër
Kuvendi i Serbisë mblidhet sot për të votuar qeverinë e re. Kryeministri i komanduar Millosh Vuceviç bëri me dije të martën se ka
Kuvendi i Serbisë mblidhet sot për të votuar qeverinë e re. Kryeministri i komanduar Millosh Vuceviç bëri me dije të martën se ka propozuar që pjesë e kabinetit të tij do të jetë edhe ish-shefi i inteligjencës Aleksandër Vulin, i sanksionuar nga Shtetet e Bashkuara të Amerikës.
Vulin do të shërbejë si një prej zëvendëskryeministrave. Një zyrtar tjetër nga “lista e zezë” e SHBA-së, për shkak të lidhjeve me Rusinë, Nenad Popoviç, do të jetë po ashtu pjesë e qeverisë si ministër pa portofol.
Për këto zgjedhje të Vuçeviç ka shprehur zhgënjim Departamenti Amerikan i Shtetit.
DASH: Shtetet e Bashkuara nuk kanë rol në vendimet e qeverisë së Serbisë. Jemi të zhgënjyer kur shohim persona të sanksionuar të propozohen për poste në qeverinë e re. Qëndrimi ynë për zotin Vulin është i njohur. Ai mbetet nën sanksionet e Shteteve të Bashkuara.
Përfshirja e Vulin në qeverinë e re forcon lidhjen e Beogradit zyrtar me Moskën pavarësisht rrugës së shpallur zyrtarisht pro Bashkimit Europian nga Serbia.
Në korrik Uashingtoni vendosi sanksione ndaj ish-shefi i inteligjencës duke e akuzuar për transport të paligjshëm armësh, trafik droge dhe keqpërdorim të posteve publike.
Aleksandër Vulin dha dorëheqjen si drejtor i Agjencisë serbe së Zbulimit pas shpalljes non grata nga SHBA. Ai kishte shërbyer më parë edhe në detyrën e shefit të ushtrisë dhe policisë.
Së fundmi ai ka marrë dy medalje nderi nga Rusia, njërën prej Shërbimit Federal të Sigurisë ruse dhe tjetrën nga Presidenti Vladimir Putin.
What's Your Reaction?