PAMJE TË RËNDA/ Më shkelma dhe shufra kokës, i riu shqiptar mohon pjesëmarrjen në barbarizimin ndaj një burri në një klub nate

Një 21-vjeçar shqiptar ka mohuar përfshirjen e tij në plagosjen e një burri jashtë një klubi nate në Maltë.

Ngjarja ka ndodhur në Paceville në natën e Vitit të Ri. 21-vjeçari pretendon se ishte ai viktima pasi u godit me një shishe e thyer.

Riald Gragjevi u paraqit në gjykatë të enjten dhe pretendoi se ishte i pafajshëm dhe nuk kishte lidhje me plagosjen e Idriss Ahmed Adem.

Pamjet e sulmit brutal, të publikuara fillimisht nga Lovin Malta, treguan rreth pesë persona duke shkelmuar dhe goditur një burrë të shtrirë pa lëvizur në dysheme, ndërsa shikuesit e tmerruar shikonin.

Gragjevi, një shtetas shqiptar që jeton në Gjirin e Shën Palit, u arrestua pasditen e së mërkurës teksa tentoi të largohej jashtë vendit.

Zyrtarët e policisë në aeroport kuptuan se 21-vjeçari ishte i lidhur me rrahjen në Paceville dhe u arrestua nga oficerët e Njësisë së Ndërhyrjes së Shpejtë.

Policia tha se Ahmed Adem është gjithashtu i kërkuar nga policia dhe po hetohet në lidhje me lëndimet e rojes së sigurisë.

Avokati mbrojtës i shqiptarit tha se ai nuk ka lidhje me ngjarjen por është vetë viktimë.

Ai tha se edhe shqiptari është sulmuar me shishen e thyer dhe se bileta për ikur nga Malta ishte prerë tre javë para se të ndodhte ngjarja.

/vizionplus.tv