Përfundojnë 70% e punimeve të hekurudhës Tiranë-Durrës: Drejt Tiranës për 22 minuta dhe 8 ndalesa

Hekurudha Tiranë-Durrës pritet të përfundojë brenda marsit të vitit të ardhshëm.

Aktualisht janë mbyllur 70% e punimeve fizike për ndërtimin e hekurudhës, si dhe kanë përfunduar 90% e veprave të artit, bën me dije Report TV.

Ndërtimi pritet të përfundojë këtë vit.

Projekti do sjellë modernizimin e linjës Tiranë-Durrës dhe do të sigurojë një linjë të re të rëndësishme për të dyja qytetet në Tirana International Airport.

Pritet që në vijim të rehabilitimit të hekurudhës nga projekti, dhe shtimit të trenave të rinj, mund të arrihet shpejtësia prej të paktën 100 km/orë, edhe pse nga Ministria e Infrastruktures dhe Energjise eshte deklaruar se Tiranë-Rinas do të përshkohet për 12 minuta, ndërsa Tiranë-Durrës për 22 minuta dhe 8 ndalesa, me një shpejtësi prej 160 km/orë.

Projekti i rehabilitimit të hekurudhës Tiranë-Durrës dhe ndërtimit të zgjatimit të ri në Rinas është pjesë e Axhendës së Konektivitetit, që synon lidhjen mes rajonit e më gjerë me Europën, dhe në kuadër të Nismës së Berlinit, projektet që kualifikohen mund të tërheqin grante dhe financime nga donatorët./m.j