Përfundon bojkoti! Universiteti i Mjekësisë pranon kërkesat e studentëve

Universiteti i Mjekësisë pranon kërkesën e studentëve. Që do të thotë se studenteve nuk do t’u jepet një kontratë për të firmosur derisa Gjykata Kushtetuese të thotë fjalën përfundimtare nëse ligji që i detyron ata të qëndrojnë 5 vite në Shqipëri, është apo jo në shkelje të Kushtetueses.

Gjithashtu, edhe ato që refuzojnë kontratët nuk do duhet të paguajnë tarifën prej 250 mijë lekësh në vit.

Ky vendim erdhi pas një takimi që pati një përfaqësi prej 8 studentëve me rektorin e Universitetit, Arben Gjata. Për rrjedhojë, studentët kanë bërë me dije se janë gati që të kthehen në auditore.

/a.r