Përleshjet mes tifozëve në Mirditë/ Policia arreston tetë persona, disa të tjerë hetohen në gjendje të lirë

8 tifozë të ekipeve të futbollit “KF Vllaznia” dhe “KF Tirana” janë vënë në pranga dhe janë proceduar penalisht 20 të tjerë pas konfliktit fizik dhe dëmtimit të autobusëve më të cilët udhëtonin.

Konflikt mes tifozëve të Vllaznisë dhe Tiranës pas ndeshjes së luajtur në Kukës nisi pranë një pikë karburanti në Reps të Mirditës, ku degradoi deri në dhunë.

Disa prej tifozëve të Vllaznisë u dërguan në spitalin e Lezhës ku po marrin ndihmë mjekësore.

Rreth 106 tifozë nga të dyja ekipet u shoqëruan në Komisariatin e Lezhës.