Përmbyset autobusi me emigrantë në Meksikë, 17 viktima dhe 15 të lënduar

Një autobus me dhjetëra emigrantë është përmbysur sot në jug të Meksikës, duke shkaktuar 17 viktima dhe duke plagosur të paktën 15, thanë autoritetet.

Shumica e emigrantëve ishin venezuelianë.

Autobusi po lëvizte në një autostradë në shtetin Oaxaca kur u përmbys, bëri me dije shërbimi i mbrojtjes civile të atij shteti në një postim në X.

Fotot e publikuara nga shërbimi tregojnë autobusin aksidentuar në një kthesë të fortë.

Autoritetet e shtetit fqinj Puebla theksuan se 15 të lënduar nga aksidenti u transferuan në spital.

Një numër i madh emigrantësh mbërrijnë në kufirin e Meksikës me SHBA-në.

Emigrantët përpiqen të kalojnë Meksikën duke udhëtuar me autobusë, kamionë ose trena komercialë.

De manera preliminar, se informa que 17 personas fallecieron a causa de este percance, además de múltiples heridas, mismas que ya fueron trasladadas a recibir atención médica especializada. pic.twitter.com/anEWxOMLNf

— Coordinación Estatal de Protección Civil (@CEPCyGR_GobOax) October 6, 2023