Përplasje mes bandave të drogës, vritet aksidentalisht një grua

Një grua amerikane dhe një burrë nga Belize janë vrarë pas përleshjeve midis tregtarëve të drogës në një plazh në qytetin turistik meksikan të Tulum, konfirmuan zyrtarët të dielën.

Prokurorët në shtetin bregdetar të Karaibeve të Quintana Roo theksuan se gruaja amerikane nuk kishte lidhje me një tregtar të dyshuar droge të vrarë gjithashtu nga të shtënat të premten mbrëma.

Prokurorët nuk dhanë emrin ose qytetin e lindjes së gruas dhe Ambasada e SHBA nuk iu përgjigj një kërkese për koment.

Gruaja ndodhej në vendin e ngjarjes rastësisht dhe dyshohet se plumbi e ka kapur aksidentalisht.

Vendi i Amerikës Qendrore i Belizes ndan një kufi me Meksikën në bregun e Karaibeve. Tulum ndodhet në jug të Kankunit dhe Playa del Carmen, më afër Belizes.

Prokurorët thanë se i vdekuri kishte në posedim kokainë dhe pilula kur u vra, dhe besohej se ishte një tregtar droge.

Ata thanë se të dyshuarit për të shtënat ishin identifikuar dhe po kërkoheshin./vizionplus.tv