Po shkonin me pushime në Kosovë, këto janë nënë e bijë që humbën jetën në aksident në Kroaci

Një aksident i rëndë me pasojë vdekjen e nënë e bijë ka ndodhur orët e para të mëngjesit së sotëm në Kroaci.

Njomza Olluri Gashi dhe vajza e saj Olta janë dy viktimat nga Kosova, të cilat humbën jetën si pasojë e aksidentit.

Klan Kosova bën me dije se nga ky aksident, edhe burri i saj Safet Gashi dhe djali i tyre, mbetën të lënduar rëndë.

Foto nga vendngjarja

Kjo familje nga Pjetërshtica e Shtimes, me vendbanim në Abensberg, ishin nisur për në Kosovë nga Gjermania.

Nga po ky aksident pati edhe një tjetër të vdekur, i cili është një kroat nga Zara.

/a.r