Porositi vrasjen dhe i shkoi në varrim, kurora me lule që i la Murseli bashkëshortes: Të kujtojmë me mall

Liridona Murseli, u vra në sy të dy fëmijëve të saj të mitur mbrëmjen e 29 nëntorit në Prishtinë.

I pranishëm ishte dhe bashkëshorti i Liridonës, Naim Murseli, i cili dyshohet se ka paguar Granit Plavën 30 mijë euro, për të vrarë Liridonën.

Fillimisht ai deklaroi se kishin rënë pre e një grabitjeje dhe mori pjesë në ceremoninë mortore të 30-vjeçares.

Ai la një kurorë me lule mbi varrin e së ndjerës ku thuhet “të kujtojnë me mall djemtë dhe burri jot, Naimi.”

Disa orë pas ceremonisë ai u arrestua pasi dyshohet se është porositës i krimit.

Së bashku me të u arrestua edhe autori i dyshuar i cili ka qëlluar në drejtim të Liridonës, Granit Plava si dhe Kushtrim Kokalla, pjesëtar i Forcave të Sigurisë së Kosovës.

Plava deklaroi dje para hetuesve se u pagua 30 mijë euro nga Naimi për të kryer vrasjen. Sipas tij 15 mijë eruo ia kishte dhënë para krimit dhe 15 të tjera pasi “ta kishte mbaruar punën”./vizionplus.tv/