Presidenti Biden pret që Irani të sulmojë Izraelin

Presidenti i SHBA-ve, Joe Biden, tha sot në konferencën e tij për shtyp se pret që Irani të sulmojë Izraelin më shpejt nga se e mendonim.

Biden tha se SHBA është e përkushtuar ndaj mbrojtjes së Izraelit. “Ne do të mbështesim Izraelin. Ne do të ndihmojmë në mbrojtjen e Izraelit dhe Irani nuk do të ketë sukses”, tha Biden.

“Siç i kam thënë kryeministrit Netanyahu, angazhimi ynë për sigurinë e Izraelit përpara këtyre kërcënimet nga Irani dhe aleatët e tij, është jofleksibil”, shtoi ai.

Në një klimë të tillë tensionesh të shtuara dhe nën frikën e sulmeve të kërcënuara, vende si SHBA, Britania e Madhe, India, Australia, paralajmëruan qytetarët e tyre që të mos udhëtojnë në Izrael dhe Iran gjatë kësaj periudhe.

Teherani ka deklaruar se do të hakmerret për goditjen e marrë në konsullatën e tij në Damask të Sirisë më 1 prill. Sulmi u mori jetën e 16 personave , duke përfshirë shtatë anëtarë të Gardës Revolucionare, një organ elitar i forcave të armatosura të Republikës Islamike, sipas OJQ-ve.

Sipas BBC, mundësia e një sulmi iranian ka shkaktuar shqetësim në Izrael. Megjithatë, qeveria nuk ka dhënë asnjë këshillë për qytetarët përtej udhëzimeve ekzistuese për të mbledhur ujë, ushqim për tre ditë dhe ilaçe bazë.

Radio izraelite raportoi se autoriteteve lokale iu tha të përgatiteshin për mundësinë e një sulmi, duke përfshirë vlerësimin e gatishmërisë së strehimoreve publike./vizionplus.tv/