Presidenti i Iranit: Ne nuk do të fillojmë një luftë, por do t’i përgjigjemi me forcë ndaj çdo provokimi

Presidenti i Iranit, Ebrahim Raisi tha se vendi i tij nuk do të fillojë asnjë luftë, por u zotua se do të përgjigjet fuqishëm ndaj provokimeve.

“Ne kemi thënë shumë herë se nuk do të fillojmë asnjë luftë; por nëse një vend apo forcë shtypëse dëshiron të na provokojë, Republika Islamike e Iranit do të përgjigjet me forcë”, tha Raisi në një fjalim televiziv.

Ai pretendoi se aftësitë ushtarake rajonale të Iranit nuk përbëjnë kërcënim për asnjë vend dhe përkundrazi janë një burim i besueshëm i sigurisë për rajonin.

“Fuqia ushtarake iraniane në rajon nuk do të përbëjë kërcënim për asnjë vend,” tha ai.

Garda Revolucionare e Iranit ka lëshuar raketa këtë muaj në objektiva në Pakistan, Irak dhe Siri. Përfaqësuesit e saj kanë vazhduar gjithashtu të kryejnë sulme, me Hezbollahun në Liban të përfshirë në konflikte ndërkufitare me Izraelin dhe Houthi-t që kryejnë sulme në Detin e Kuq nga Jemeni./vizionplus.tv/