Prezantoheshin si përfaqësues të zyrtarit të lartë dhe kërkuan 70 mijë euro nga biznesmeni, arrestohen 4 persona

Katër persona janë vënë në pranga dhe dy janë shpallur në kërkim nga Policia e Tiranës. Ata akuzohen se kanë tentuar të mashtrojnë një biznesmen për t’i marrë një shumë parash prej 70 mijë euro. Të arrestuar janë Xhonatan Xhaferri, Leonard Xhika, Petro Ferzaj, Mikel Panxhi, ndërsa në kërkim Florian Gjergji dhe Xhensil Qefa.

Policia njofton se 6 të përfshirët prezantoheshin si përfaqësues të një zyrtari të lartë dhe kërkonin shumën e parave nga biznesmeni.

Policia sekuestroi gjithashtu 2 automjete dhe 6 celularë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.