Rusia thotë se ka shkatërruar 38 dronë ukrainas mbi Krime

Sistemet ruse të mbrojtjes ajrore shkatërruan 38 mjete ajrore pa pilot me telekomandë të lëshuara nga Ukraina në hapësirën ajrore të gadishullit të Krimesë, tha Ministria ruse e Mbrojtjes, sipas agjencisë së lajmeve RIA.

Më herët u raportua për shpërthime të njëpasnjëshme në zonën ku ndodhet porti i Feandosia dhe u njoftua se janë vendosur kufizime të përkohshme në lëvizjen e automjeteve, ndërsa është mbyllur edhe pjesa rrugore e urës që lidh gadishullin me Rusinë kontinentale deri në një njoftim të dytë.

Russia says Ukraine attacked Crimea with 38 drones#ARYNews https://t.co/JNf1bnR9Nv

— ARY NEWS (@ARYNEWSOFFICIAL) March 3, 2024

Rusia aneksoi gadishullin e Krimesë në vitin 2014, i cili nuk njihet nga shumica e komunitetit ndërkombëtar.

Agjencia e lajmeve Reuters nuk ishte në gjendje të verifikonte raportet për shpërthimet. Nuk ka pasur asnjë koment deri në këtë fazë nga pala ukrainase./vizionplus.tv