Sheiku Mansour, takim me Ramën/ Jahti luksoz i zv. Presidentit të Emirateve të Bashkuara Arabe, nesër në Durrës

Jahti luksoz 150m i zv. Presidentit të Emirateve të Bashkuara Arabe, Sheikh Mansour viziton nesër Durrësin.

Gazetarja e Euronews Albania Kloida Gjuzi bënë të ditur se bosi i Manchester City do të jetë në bord dhe pritet të takohet nesër me kryeministrin Edi Rama për, ndër të tjera, projektin e akademisë së Futbollit në Durrës.

Sheikun e shoqërojnë dhe 2 jahte të tjera, “M2” dhe “Alesund”, që akomodojnë shoqëruesit e tij dhe miqtë e ftuar, me totalin e rreth 200 personave.

Ai është vëllai i presidentit aktual të Emirateve të Bashkuara Arabe, Sheikh Mohamed bin Zayed Al Nahyan dhe është e martuar me Sheikha Manal bint Mohammed Al Maktoum , vajzën e Sheikh Mohammed bin Rashid Al Maktoum, sundimtarit të Dubait. Përmes City Football Group ai mban aksione në një sërë klubesh futbolli, duke përfshirë Manchester City FC ./m.j