Shënoi dopietë, Uzuni i kërkon falje tifozëve: Asgjë nuk ka përfunduar, qëndrojmë në La Liga

Granada shpërdoroi dopietën e Myrto Uzunit për të rrezikuar qëndrimin në La Liga në fund të sezonit.

Beratasi shënoi të dy golat në humbjen 3-2 me përmbysje ndaj Real Sociedad, me sulmuesin shqiptar që ishte ndër më të mirët në fushë.

Ulja në stol e Uzunit solli edhe disfatën përballë baskëve, teksa 28-vjeçari i kërkoj falje tifozëve për performancën e ekipit në fushën e lojës.

Uzuni është lojtari më rezultativ i Granadës këtë sezon, teksa tek golat e shqiptarit synon të shmang rënien nga kategoria. Deri më tani, beratasi ka shënuar 9 gola, tre prej të cilëve me penallti dhe dhënë 1 asist. Uzuni qëndron ende në garë për golashënues në Spanjë, pasi gjendet 7 gola nga kreu.

/a.r