Sherr për pronat në Lezhë, xhaxhai kërcënon të vrasë nipin me armë zjarri, ndërhyn policia

Një sherr banal me armë zjarri ka ndodhur në fshatin Mëriq të Lezhës.

Blutë e Lezhës bëjnë me dije se në konflikt për arsye pronash janë përfshirë dy persona, xhaxhai dhe nipi. Mësohet se 67-vjeçari Pjetër Nika në debat e sipër me nipin, ka nxjerrë armën e zjarrit dhe ka kërcënuar këtë të fundit.

“Falë ndërhyrjes në kohë të Policisë së Leshës dhe Forcave “Shqiponja”  është parandaluar përshkallëzimi i konfliktit dhe është sekuestruar arma e zjarrit pistoletë me municion luftarak, që dyshohet se e posedonte shtetasi P. N., 67 vjeç, banues ne Merqi, Lezhë. Gjatë kontrollit në banesën e këtij shtetasi u gjet edhe një sasi municioni luftarak. Në përfundim te veprimeve të para hetimore, specialistët për Hetimin e Krimeve të Komisariatit të Policisë Lezhe bënë arrestimin ne flagrancë të shtetasit P. N., për veprat penale “Kanosja” dhe “Prodhimi dhe mbajtja pa leje e armëve luftarake dhe municionit”, njofton policia./vizionplus.tv/