Shiste kanabis pranë shkollave, arrestohet i riu në Vlorë

Policia e Vlorës ka arrestuar një 25-vjeçar që shiste lëndë narkotike pranë shkollave të qytetit. Gjatë kontrolli të riut iu gjetën 50 doza kanabis, gati për shitje. Lënda narkotike u sekuestrua në cilësinë e provës materiale.

I riu, pasi siguronte lëndë narkotike kanabis, e ndante në doza, të cilat i shiste në afërsi të shkollave të qytetit, kryesisht pranë universitetit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.