Shkatërrohet banda kriminale në Spanjë, arrestohet “bossi” shqiptar i drogës, sekuestrohet 820 kg “e bardhë”

Një grup kriminal është shkatërruar nga autoritetet spanjolle në provincën e Valencias. Organizata kriminale ishte e drejtuar nga shqiptarë dhe merrej kryesisht me trafik ndërkombëtar të kokainës.

Nga operacioni janë sekestruar më shumë se 820 kilogramë kokainë dhe 17 persona janë arrestuar, duke përfshirë ‘kokën’ e grupit, i njohur për kontaktet e tij në Amerikën Latine, Evropë dhe Dubai.

Desarticulada en la provincia de #Valencia una de las organizaciones criminales de origen #albanés más activas dedicada al tráfico de #cocaína

Incautados más de 820 kg de cocaína y detenidas 17 personas
8 registros

La organización utilizaba un lavadero de #coches como… pic.twitter.com/VfU1oN7ePD

— Policía Nacional (@policia) February 17, 2024

Nga kontrollet e kryera janë sekuestruar edhe 226 500 euro cash, tre aparate për zbulimin e pajisjeve elektronike GPS, dhe 13 automjete.

Operacioni është zhvilluar prej dymbëdhjetë muajsh dhe janë kryer tre faza ekzekutimi. Hetimi nisi në fillim të vitit 2023 pasi u mësua për ekzistencën e një organizate kriminale që, e drejtuar nga shtetas shqiptarë me banim në Valencia, i dedikohej trafikut të kokainës në shkallë të gjerë si dhe pastrimit të parave.

Fillimisht u identifikua drejtuesi i organizatës, i cili drejtonte disa kompani me bazë në Spanjë.

Hetuesit identifikuan më pas edhe anëtarët e tjerë të rrjetit kriminal, gjë që i lejoi ata të specifikonin strukturën si dhe zbulimin e disa shtëpive luksoze dhe magazina industriale në pjesë të ndryshme të Valencias që organizata kishte në dispozicion.

Gjithashtu, hetuesit arrestuan edhe anëtarë të organizatës të ngarkuar me sigurimin e logjistikës dhe infrastrukturës së nevojshme për zhvillimin e veprimtarisë së paligjshme, duke menaxhuar kontratat e qirasë së pronave të ndryshme të kontrolluara. /vizionplus.tv