Shqipëria zgjat deri në vitin 2027 angazhimin e forcave të armatosura në KFOR, dyfishon pagat e ushtarëve

Në mbledhjen e zhvilluar sot Këshilli i ministrave vendosi që të shtyjë afatin e angazhimit të forcave të armatosura shqiptare në KFOR,  Kosovë.

Sipas VKM-së së miratuar sot, qeveria zgjat deri më 31 dhjetor 2027 angazhimin e forcave të armatosura shqiptare në KFOR në Kosovë.

Në mbledhjen e zhvilluar sot Këshilli i ministrave vendosi që të shtyjë afatin e angazhimit të forcave të armatosura shqiptare në KFOR,  Kosovë.

Sipas VKM-së së miratuar sot, qeveria zgjat deri më 31 dhjetor 2027  (31 dhjetor 2024 që ishte) angazhimin e forcave të armatosura shqiptare në KFOR në Kosovë.

Gjithashtu qeveria shqiptare ka vendosur dyfishimin e pagave të ushtarakëve që angazhohen në KFOR Kosovë, nga 6 000 lekë në dymbëdhjetë mijë lekë.

“5, togfjalëshi “… në masën 6 000 (gjashtë mijë) lekë …” zëvendësohet me “… në masën 12 000 (dymbëdhjetë mijë) …”, thuhet në VKM.

VENDIMI

DISA NDRYSHIME NË VENDIMIN NR.910, DATË 22.12.2014, TË KËSHILLIT TË MINISTRAVE, “PËR PJESËMARRJEN E FORCAVE TË ARMATOSURA TË REPUBLIKËS SË SHQIPËRISË NË OPERACIONIN USHTARAK NDËRKOMBËTAR KFOR, KOSOVË”, TË NDRYSHUAR

Në mbështetje të nenit 100 të Kushtetutës, të nenit 7, të ligjit nr.9363, datë 24.3.2005, “Për dërgimin e Forcave të Armatosura të Republikës së Shqipërisë jashtë vendit, si dhe për mënyrën e procedurat e vendosjes dhe kalimit të forcave ushtarake të huaja në territorin e Republikës së Shqipërisë”, të ndryshuar, dhe të shkronjës “ç”, të nenit 11, të ligjit nr.64/2014, “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”, të ndryshuar, me propozimin e ministrit të Mbrojtjes, Këshilli i Ministrave

V E N D O S I:
1. Në vendimin nr.910, datë 22.12.2014, të Këshillit të Ministrave, “Për pjesëmarrjen e Forcave të Armatosura të Republikës së Shqipërisë në operacionin ushtarak ndërkombëtar KFOR, Kosovë”, të ndryshuar, bëhen ndryshimet, si më poshtë vijon:
a) Në pikën 4, togfjalëshi “… 31 dhjetor 2024 …” zëvendësohet me “… 31 dhjetor 2027 …”;
b) Në shkronjën “a”, të pikës 5, togfjalëshi “… në masën 6 000 (gjashtë mijë) lekë …” zëvendësohet me “… në masën 12 000 (dymbëdhjetë mijë) …”.
2. Efektet financiare, që rrjedhin nga zbatimi i këtij vendimi, përballohen nga buxheti i Ministrisë së Mbrojtjes.
3. Ngarkohet ministri i Mbrojtjes për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”./vizionplus.tv/