Shqiptari sulmohet dhe grabitet në qendër të Firences, dërgohet me urgjencë në spital

Një shqiptar është sulmuar mbrëmjen e djeshme në qendër të Firences, Itali.

Sipas medieve italiane ai është rrahur dhe më pas grabitur nga një person ende i paidentifikuar.

Ngjarja ka ndodhur rreth orës 23:00 në via Guelfa. Shqiptari 37-vjeçar u dërgua me urgjencë në spital.

Ka qenë një kalimtar i rastit ai i cili ka parë ngjarjen dhe ka njoftuar menjëherë polciinë.

Sipas asaj që është rikonstruktuar, 37-vjeçarit i është afruar një i panjohur, e ka goditur me grusht dhe më pas i ka vjedhur 600 euro. Autori është larguar me vrap nëpër rrugët e  qendrës historike.

Pamjet nga sistemi i mbikëqyrjes po shqyrtohen nga hetuesit për të identifikuar sulmuesin./vizionplus.tv/