Shtëpia e Bardhë: Ndihma ushtarake do të mbërrijë në Ukrainë brenda disa ditësh

Një pjesë e ndihmës ushtarake për Ukrainën do të arrijë brenda disa ditësh, u tha gazetarëve zëdhënësi i Shtëpisë së Bardhë, John Kirby, duke shtuar se mbrojtja ajrore mbetet një prioritet i lartë.

Paketa vendimtare e ndihmës prej 60.8 miliardë dollarësh për Ukrainën për të përballuar pushtimin rus u miratua pas muajsh bllokimi nga Dhoma e Përfaqësuesve e SHBA të shtunën e kaluar, më 20 prill.

“Bota po shikon se çfarë po bën Kongresi”, tha Shtëpia e Bardhë në një deklaratë të premten.

“Nuk është legjislacion i përsosur, nuk është legjislacioni që do të shkruanim nëse republikanët do të kishin kontroll jashtë Dhomës, Senatit dhe Shtëpisë së Bardhë”, u tha Kirby gazetarëve .

“Ky është rezultati më i mirë i mundshëm që mund të arrijmë në këto rrethana për t’u kujdesur për këto detyrime vërtet të rëndësishme”, shtoi ai. /vizionplus.tv