Situata më e rëndë në 40 vjet në ishujt Kanarie, zjarret “pushtojnë” Spanjën

Mijëra persona janë evakuuar nga zjarret në Tenerife në ishujt Kanarie të Spanjës

Zjarri ishte në një shkallë që nuk është parë kurrë më parë në Ishujt Kanarie, thonë zyrtarët.

Zjarret që kanë dalë jashtë kontrollit janë në ditën e katërt të tyre.

Shërbimet e urgjencës në Ishujt Kanarie thanë se më shumë se 26.000 njerëz ishin evakuuar të shtunën pasdite, sipas vlerësimeve të përkohshme, një rritje e mprehtë nga 4.500 të premten. Rreth 11 qytete janë prekur tani.

Ishulli i Atlantikut është shtëpia e rreth një milion njerëzve dhe është gjithashtu një destinacion popullor turistik.

Flakët ndezën qiellin gjatë natës dhe të shtunën u panë helikopterë duke hedhur ujë në zonat afër shtëpive ku tymi dilte në ajër.

Ndërhyrjet nga ajri dhe toka të autoriteteve spanjolle nuk i kanë parandaluar flakët.

“Jam nervoze për shtëpinë e prindërve të mi. Vëllai im gjithashtu jeton pranë shtëpisë së tyre dhe të dyja rrezikojnë të digjen”, tha një banore.

Erërat e forta dhe temperaturat e larta kanë bërë që vatra e zjarrit të përhapet në një perimetër më të gjerë. Sipas forcave të emergjencës, më shumë se 5 mijë hektarë me pyje janë shkrumbuar nga zjarri që vijon të jetë aktiv prej të martës. Ndërkohë, më shumë se 4500 njerëz janë larguar nga zona.

Po ashtu, shumë turistë kanë ndërprerë pushimet e tyre për shkak të tymit. Për fikjen e zjarreve janë angazhuar afro 500 forca zjarrfikëse dhe 17 avionë.