Sokol Sadushi zgjidhet kryetar i Gjykatës së Lartë

Sokol Sadushi është zgjedhur kryetar i Gjykatës së Lartë me 17 vota pro dhe 1 votë kundër.

Mbledhja e përgjithshme e gjyqtarëve të Gjykatës së Lartë u zhvillua të martën për procedurën për zgjedhjen e kryetarit të kësaj gjykate.

“Referuar kërkesave të nenit nenin 51 të ligjit nr. 96/2016 “Për statusin e gjyqtarëve dhe të prokurorëve në Republikën e Shqipërisë” (i ndryshuar), nenit 26, pika 1 të ligjit nr. 98/2016 “Për organizimin e pushtetit gjyqësor në Republikën e Shqipërisë” (të ndryshuar), si edhe vendimit Nr. 485, datë 21.09.2023 të Këshillit të Lartë Gjyqësor “Për miratimin e rregullave për zgjedhjen e Kryetarit të Gjykatës së Lartë”, Mbledhja e Përgjithshme vijoi me kryerjen e procedurës së votimit. Në përfundim, rezultoi i zgjedhur me 17 vota pro dhe 1 votë kundër, Z. Sokol Sadushi, si Kryetar i Gjykatës së Lartë”, thuhet në njoftim.