Sulm masiv mbi Izrael? SHBA pret që Irani të lëshojë mbi 100 dronë

Tani që Irani ka nisur kundërpërgjigjen ndaj Izraelit, Shtetet e Bashkuara të Amerikës po përgatiten që ky të jetë një “sulm masiv”.

Dy zyrtarë amerikanë, duke folur për NBC News, thanë se administrata e Biden pret që Irani të lëshojë më shumë se 100 dronë e me dhjetëra raketa lundruese e balistike.

Një prej zyrtarëve tha se armët pritet që të kenë në shënjestër godina të qeverisë izraelite dhe jo civilë apo vende fetare.

SHBA dhe Izraeli kanë qenë në koordinim të ngushtë për t’u mbrojtur nga ky sulm.

“Ne jemi gati, Izraelitët janë gati”, thanë zyrtarët amerikanë.

/a.r