Talentet shqiptarë do të trajtohen si vendas në Itali, Federata merr vendimin

Federata Italiane e Futbollit mori një vendim të rendësishëm sa i përket talenteve shqiptar në Itali, të cilët tashmë do ta kenë më të lehtë integrimin në botën e futbollit atje.

Një nga pikat e diskutuara në rendin e ditës të mbledhjes Komitetit Ekzekutiv të Federatës Italiane të Futbollit më datë 28 mars ishte edhe ndryshimi i rregullave që lidhen me regjistrimin e futbollistëve ekstra komunitar për sezonin 2024-2025 në vendin fqinj.

Në mbledhje u vendos që shqiptarët të trajtohen si vendas nga klubet italiane duke ndikuar drejtpërdrejt në aktivizimin e talenteve shqiptare në Itali. /vizionplus.tv