Të shtëna me armë në Kurbin, një i vrarë dhe një i plagosur

Një ngjarje e rëndë ka tronditur Kurbinin në orët e para të mëngjesit të sotmë.

Policia bën me dije se rreth orës 07:00, në fshatin Gurez, Kurbin, në ambientet e një firme ku përpunohen inerte, në rrethana ende të paqarta është vrarë me armë zjarri shtetasi S. M, rreth 70 vjec, ekonomist i firmës.

I plagosur ka mbetur pronbari, shtetasi  A. GJ, rreth 51 vjec, i cili është transportuar në spital për ndihmë mjeksore.

Shërbimet e Policisë Vendore kanë shkuar në vendngjarje, është rrethuar zona dhe vijon kontrolli i territorit.

Ndërkohë është ngritur një grup i posaçëm hetimor nën drejtimin e Prokurorisë për zbardhjen e rrethanave të ngjarjes, identifikimin dhe kapjen e autorit/ve.

Në ndihmë të Policisë vendore kanë shkuar forcat Kombëtare të Sigurisë dhe Forcat Speciale Renea.

Policia njofton se një moment të dytë do të ketë njoftim më të plotë në lidhje me ngjarjen./vizionplus.tv