Të shtëna me armë në një metro në New York, 1 i vrarë dhe 5 të plagosur

Një sulm me armë në një metro në Bronx të New Yorkut i ka marrë jetën 1 personi dhe ka plagosur 5 të tjerë.

Ngarja e rëndë mësohet se është regjistruar rreth orës 16:40 me orën lokale, dhe metroja ka qenë e mbushur plot me njerëz.

Policia tha se 34 vjeçari, një kalimtar i rastit, u plagos dhe u dërgua në spital por nuk mundi t’u mbijetonte plagëve.

Sipas autoriteteve, të shtënat nuk ishin të rastësishme dhe filluan brenda metrosë kur dy grupe u grindën. Ndërsa metroja u fut në stacion, një person mori një armë dhe hapi zjarr. Disa nga të plagosurit kanë qenë kalimtarë të rastit që nuk janë përfshirë në sherr dhe që ndodheshin aty pranë.

Dëshmitarët thanë se kishte shumë njerëz në metro kur u dëgjuan të shtënat, duke përfshirë fëmijë./vizionplus.tv