Tërmet 4.3 Rihter në Greqi, ku ishte epiqendra

Një tërmet me magnitudë 4.3 Rihter ka goditur pak para orës 12:00 të mesditës Greqinë.

Mediat vendase bëjnë me dije se epiqendra e tërmetiti ishte pak kilometra jashtë Kythnos, ndërsa lëkundjet janë ndjerë deri në Atikë, për fat të mirë pa dëme materiale dhe pasoja në njerëz.

Sipas njoftimit të Institutit Gjeodinamik të Observatorit Kombëtar të Athinës, epiqendra e tërmetit ishte në zonën detare 17 kilometra në veri -verilindje të Kythnos.

Thellësia e tërmetit ishte 13.9 kilometra. Vlerësimi fillestar për magnitudën ishte 4.5 Rihter dhe epiqendra 13 kilometra në veriperëndim të Donoussa.

Greqia është një vend me aktivitet të lartë sizmik për shkak të pozicionit gjeografik./vizionplus.tv/