Tërmet në Korfuz, lëkundjet ndihen edhe në Shqipëri

Një tërmet me magnitudë 4.7 ballë i shkallës Rihter në detin e Korfuzit është regjistruar mëngjesin e së premtes.

Tërmeti i ndodhur në orën 7:20 të mëngjesit të së premtes ka pasur epiqendër 31 km në jug-jugperëndim të Othonit. Të dhënat tregojnë se thellësia fokale e tërmetit është 9.2 km. Lëkundjet raportohet se janë ndjerë edhe në Sarandë, Gjirokastër e Vlorë

Në të njëjtën zonë në 24 orët e fundit kanë ndodhur edhe dy tërmete të tjera, i pari me magnitudë 2.9 të enjten pasdite dhe i dyti 3.5 në orën 2:12 të mëngjesit të sotëm, të premte. /vizionplus.tv