Tragjedia në Moskë, familjarët kërkojnë me dëshpërim të afërmit që ishin në vendin e masakrës

Ndërsa ekipet e shpëtimit vazhdojnë të kërkojnë ndërtesën e dëmtuar në Moskë, disa familje ende nuk e dinë nëse familjarët e tyre që morën pjesë në ngjarje janë gjallë.

Igor Pogadaev ka kërkuar me dëshpërim ndonjë detaj për vendndodhjen e gruas së tij pasi ajo shkoi në koncert dhe nuk iu përgjigj mesazheve të tij.

Pasi Pogadaev pa raportime për persona të armatosur që hapnin zjarr ndaj pjesëmarrësve të koncertit, ai nxitoi në vendngjarje, por nuk e gjeti atë në ambulancat e shumta ose mes qindra njerëzve që kishin dalë nga vendi i ngjarjes.

“Shkova rrotull, kërkova, pyeta të gjithë, tregova fotografi. Askush nuk pa asgjë, askush nuk mund të thoshte asgjë”, tha Pogadaev për Associated Press.

Ai pa flakët që shpërthyen nga ndërtesa ndërsa bënte thirrje në një linjë telefonike për të afërmit e viktimave, por nuk mori asnjë informacion.

Ndërsa numri i të vdekurve u rrit të shtunën, Igor kontrolloi spitalet në Moskë dhe rajonin e Moskës, duke kërkuar informacione për pacientët e sapo pranuar. Por gruaja e tij nuk ishte në mesin e 154 të plagosurve të raportuar dhe as në listën e 50 viktimave që autoritetet i kanë identifikuar tashmë, tha ai. /vizionplus.tv