Tragjike/ Vritet me dy plumba në kokë 39-vjeçari në Greqi, autori me probleme mendore

Një 39-vjeçar shqiptar është vrarë me armë zjarri këtë të premte në Greqi. Ngjarja e rëndë ndodhi në ambientet e një parkingu, ku shqiptari punonte prej disa vitesh. Autor është një 68-vjeçar, i cili qëlloi drejt shqiptarit me armë zjarri, duke i marrë jetën me dy plumba në kokë.

Dëshmitarët okularë të vrasjes brutale deklaruan se sulmuesi, i cili mësohet se vuante nga probleme psikologjike dhe shpesh kthehej në problem për komunitetin, i kërkoi viktimës një vend parkimi, gjë e cila solli dhe ngjarjen e rëndë.

Shqiptari rezulton të jetë baba i tre fëmijëve, ndërsa banorët e zonës e përshkruajnë si një njeri mjaft të edukuar dhe gjithmon i gatshëm për t’i ndihmuar.