U vra me armë zjarri në qendër të Rrëshenit, si nisi konflikti i Martin Bardhit me fisin Reçi

Mesditën e sotme humbi jetën si pasojë e të shtënave me armë Martin Bardhi, 58 vjeç. Ai u qëllua pranë një lokali në qendër të Rrëshenit. Bardhi kishte pak kohë që ishte liruar nga burgu. Por si lindi konflikti mes viktimës dhe fisit Reçi? Martin Bardhi u arrestua në muajin Mars të këtij viti si […]

Shtator 26, 2023 - 12:30
 0
U vra me armë zjarri në qendër të Rrëshenit, si nisi konflikti i Martin Bardhit me fisin Reçi

Mesditën e sotme humbi jetën si pasojë e të shtënave me armë Martin Bardhi, 58 vjeç. Ai u qëllua pranë një lokali në qendër të Rrëshenit.

Bardhi kishte pak kohë që ishte liruar nga burgu. Por si lindi konflikti mes viktimës dhe fisit Reçi?

Martin Bardhi u arrestua në muajin Mars të këtij viti si një nga autorët e të shtënave me armë në drejtim të makinës së Saimir Reçit në Rrëshen.

Kjo ngjarje ndodhi më 26 Mars dhe të përfshirë ishin edhe djali i Martin Bardhit, Erind Bardhi dhe një 28-vjeçar tjetër me lidhje gjaku me familjen Bardhi.

Shkak për këtë ngjarje të rëndë u bë një sherr për vendin e parkimit mes Erind Bardhit dhe Saimir Reçit.

Makina e Saimir Reçit pasi u qëllua me armë dhe më pas u përplas me bordurën (26 Mars 2023)

Erind Bardhi ka shkuar më pas në banesën e tij së bashku me të atin, viktimën e ditës së sotme, ku ka marrë armën e zjarrit dhe ka qëlluar mbi  makinën e blinduar të Reçit në momentin që ai po largohej.

Reçi si pasojë e të shtënave humbi kontrollin e mjetit dhe u përplas me bordurën e rrugës, por nuk u lëndua.

Për këtë ngjarje, Erind Bardhi dhe kushëriri i tij 28-vjeçar u shpallën në kërkim për vrasje me paramendim të mbetur në tentativë dhe armëmbajtje pa leje.

Ndërsa Saimir Reçi është nipi i Kastriot Reçit, i ekzekutuar në qendër të Rrëshenit në vitin 2020. Kastriot Reçi, viktima e atentatit në vitin 2020 në Rrëshen

Sa i përket ngjarjes së sotme, rrethanat e saj janë momentalisht të paqarta. Burime paraprake për Klan Neës bëjnë të ditur se një person ende i paidentifikuar, ka hapur zjarr në drejtim të Bardhit, duke e lënë të vdekur.

Policia ka njoftuar se ka ngritur disa pika kontrolli me qëllim kapjen e autorit/ëve .

“Shërbimet e Policisë, sapo kanë marrë njoftim, kanë shkuar menjëherë në vendngjarje. Janë ngritur pika kontrolli në çdo aks rrugor, si dhe vijon intensivisht krehja e zonës. Ndërkaq, grupi hetimor, në drejtimin e Prokurorisë, po punon për fiksimin e çdo prove që do të bëjë të mundur identifikimin dhe kapjen e autorëve”, njoftoi policia.

What's Your Reaction?

like

dislike

love

funny

angry

sad

wow

albanianlive AlbanianLive.com mbetet zgjedhja e parë për një lexues i cili kërkon të informohet me saktësi për një lajm. Misioni jonë kryesor është paanshëmëria dhe profesionalizmi dhe për këtë janë të punësuar gazetarët më të mirë në tregun mediatik.