Ushtria izraelite godet qendrën komanduese të Hamasit në spitalin e Gazës

Ushtria izraelite njoftoi sot se kreu një bombardim ajror kundër një qendre komanduese të drejtuar nga grupi i armatosur i Xhihadit Islamik në oborrin e spitalit Al-Aksa në Rripin e Gazës.

“Ata goditën saktësisht qendrën e komandës dhe terroristët me synimin për të minimizuar mundësinë e dëmtimit të civilëve që nuk përfshiheshin në zonën e spitalit. Ndërtesa e Spitalit Al-Aksa nuk u shkatërrua dhe funksionimi i tij nuk u prek,” tha ushtria.

Izraeli pohon se spitalet në Gaza po përdoren nga Hamasi dhe grupet e tjera të armatosura si baza dhe ka publikuar video dhe foto për të mbështetur pretendimin e tij. Si Hamasi ashtu edhe stafi mjekësor e mohojnë këtë.