Ushtria izraelite pretendon se ka zbuluar një nga depot më të mëdha të armëve në Gaza

Ushtria izraelite njoftoi sot se kishte zbuluar pranë “ndërtesave të banimit” “një nga depot më të mëdha të armëve në Rripin e Gazës”, që përmbante kryesisht raketa, raketahedhës dhe drone.

“Një nga depot më të mëdha të armëve në Rripin e Gazës u zbulua pranë një klinike dhe një shkolle në pjesën veriore” të territorit palestinez nga një njësi ushtarake, tha ushtria izraelite në një deklaratë.

Sipas ushtrisë izraelite, magazina përmbante “qindra raketa antitank RPG dhe municionet e tyre, dhjetëra raketa antitank, dhjetëra pajisje shpërthyese, raketa me rreze të gjatë që synonin të arrinin në Izraelin qendror, dhjetëra granata dhe dronë”.

“Ushtarët i konfiskuan armët. Disa u shkatërruan në vend, të tjerët u dërguan për hetim”, tha ushtria, duke vënë në dukje se magazina ishte “në zemër të popullatës civile”.

“Kjo është një provë e mëtejshme e përdorimit cinik të Hamasit të njerëzve të Rripit të Gazës si mburoja njerëzore,” pretendoi ushtria./vizinplus.tv