Vdekja e 3-vjeçarit/ Prokuroria e Tiranës nis hetimet për ngjarjen e rëndë

Prokuroria e Tiranës ka nisur hetimet pas ngjarjes së rëndë, ku 3-vjeçari Brian Spahiu humbi jetën pasi bëri rregullimin e disa dhëmbëve me anestezi totale. Pas referimit të bërë nga Policia, Prokuroria ka sekuestruar kartelat klinike në QSUT por edhe në klinikën private ku është bërë ndërhyrja.

I mituri humbi jetën disa ditë më parë, ndërsa mjeku Roland Xhaxho përmes një deklarate të shpërndarë për mediat bëri të ditur se fëmija ka dalë nga klinika e tij i zgjuar dhe komplikacionet i janë shfaqur më vonë.

Po ashtu mjeku tha se i mituri ka lindur me probleme në zemër, ku edhe ka pasur një ndërhyrje kirurgjikale, ndërsa nga ana e familjarëve është bërë e ditur se pavarësisht problemit, mjeku kardio-pediatër ka dhënë miratimin për kryerjen e ndërhyrjes në dhëmbë nga dentisti.