Vdes aktorja e “Sex and the City”

Frances Sternhagen, aktorja më e njohur për rolet e saj në “Cheers” dhe “Sex and the City”, ka vdekur në moshën 93-vjeçare.

Lajmi është konfirmuar nga familjarët e aktores.

“Me pikëllim të madh ndajmë lajmin se nëna jonë e dashur, aktorja Frances Sternhagen, ndërroi jetë paqësisht për shkaqe natyrore në New Rochelle, Nju-Jork më 27 nëntor 2023, 93 vjeç. Ajo ka lënë pas 6 fëmijët e saj, 9 nipër e mbesa dhe 2 stërnipër. Një festë e karrierës dhe jetës së saj të jashtëzakonshme është planifikuar për në mes të janarit, afër ditëlindjes së saj të 94-të. Ne vazhdojmë të frymëzohemi nga dashuria dhe jeta e saj”, thuhet në njoftimin zyrtar të familjes.

Sternhagen luajti si gjyshja e Dr. Carter (Noah Wyle) në “ER” dhe si nëna e Cliff (John Ratzenberger) në “Cheers”, role që i sollën dy nominimet për Emmy. Ajo gjithashtu luajti Bunny McDougal, nënën e keqe të Trey (Kyle McLachlan) dhe vjehrrën e Charlotte (Kristin Davis), në Sex and the City, për të cilën ajo mori një nominim të tretë Emmy.

/a.r