Vdes në moshën 87-vjeçare një nga pasardhësit e dinastisë Rothschild

Lordi Jacob Rothschild, financuesi dhe anëtari i familjes bankare Rothschild, ka vdekur në moshën 87-vjeçare.

Në një deklaratë të hënën, familja e tij tha se Lord Rothschild kishte “një prani të jashtëzakonshme në jetën e shumë njerëzve”.

Karriera e tij filloi në bankën e familjes, NM Rothschild & Sons, përpara se të krijonte fondin e tij të menaxhimit të pasurisë në 1989.

Familja Rothschild ka një pasuri prej rreth 825 milionë paund, sipas listës së Sunday Times të vitit të kaluar, shkruan BBC. 

Lord Rothschild u përshkrua si “një financier i shkëlqyer, një kampion i arteve dhe kulturës, një shërbyes publik i përkushtuar, një mbështetës i pasionuar i kauzave bamirëse në Izrael dhe në kulturën hebraike, një ambientalist i mprehtë dhe mik, baba dhe gjysh shumë i dashur”, në një deklaratë të publikuar nga familja e tij.

I lindur në Berkshire në vitin 1936, financieri i ndjerë u arsimua në Kolegjin Eton dhe vazhdoi të studionte histori në Christ Church, Oxford.

Ai u largua nga banka e familjes për të ndërtuar perandorinë e tij financiare në qytetin e Londrës, duke themeluar kompaninë e investimeve RIT Capital, të cilin e drejtoi deri në vitin 2019.

Familja bankare Rothschild i ka rrënjët në Frankfurt ndërsa në shekullin e 18-të, anëtarët e familjes u zhvendosën në qytete në të gjithë Evropën për të ndërtuar biznese bankare./vizionplus.tv