VIDEO/ Rama ndan pamje nga Alpet shqiptare: U vizituan nga 130 mijë turistë gjatë gushtit, harta e atraksioneve sa vjen e zgjerohet

Kryeministri Edi Rama ka shpërndarë një video nga Alpet shqiptare, ku thotë se në muajin gusht pritën 130 mijë vizitorë, duke theksuar se turizmi malor është në ditët e tij më të mira dhe harta e atraksioneve për t’u zbuluar, sa vjen e zgjerohet.

Ai shton se turistët zgjodhën të udhëtonin drejt majave madhështore, luginave si parajsa, shtigjeve e lumenjve, duke shijuar kështu bukuritë e natyrës në vendin tonë.

“Magjia e Alpeve Shqiptare, që këtë gusht priti mbi 130 mijë vizitorë, të cilët zgjodhën të udhëtonin drejt majave madhështore, luginave si parajsa, shtigjeve e lumenjve duke konfirmuar se turizmi malor është në ditët e tij më të mira dhe harta e atraksioneve për t’u zbuluar sa vjen e zgjerohet.”-shkruan Rama krahas videos që ka shpërndarë në Facebook.