VIDEO/ Shpërthimi në Lushnjë, çfarë ka mbetur një ditë pas tragjedisë me 2 viktima
Një ditë pas shpërthimit tragjik në Lushnjë, vend ii ngjarjes është ende i rrethuar, teksa të pranishëm janë edhe forca të shumta policie.
Një ditë pas shpërthimit tragjik në Lushnjë, vend ii ngjarjes është ende i rrethuar, teksa të pranishëm janë edhe forca të shumta policie.
Po ashtu aty kanë mbërritur prokuror nga Prokuroria e fierit, Agjencia Antieksplozim, përfaqësues nga OST dhe Inspektoriati i punës.
Siç duket edhe në video, nga shpërthimi janë shkaktuar dëme të shumta edhe në ndërtesat aty pranë. Ndërkohë, bombola e paplasur e gazit ende nuk është hequr nga vendi i ngjarjes.
Si pasojë e shpërthimit humbën jetën dy persona, Roland Hoxha dhe djali i tij Elidon Hoxha.
Roland Hoxha 55-vjeç alias Landi Verçani (ka ndërruar identitetin për shkak të dokumentacionit), humbi jetën në vendngjarje, ndërsa djali i tij Elidoni ka ndërruar jetë ndërsa po transportohej drejt spitalit të Traumës në Tiranë.
Ndërkohë që i plagosur ka mbetur edhe deputeti Bujar Çela, i cili i është nënshtruar një ndërhyrjeje kirurgjikale, por sipas mjekëve është jashtë rrezikut për jetën. Në gjendje të mirë janë edhe 4 të plagosurit e tjerë që ndodhen nè spitalin e Lushnjës /vizionplus.tv
What's Your Reaction?