Vodhën një makinë në një lavazh në Vlorë/ Policia arreston 22-vjeçarin, procedohet penalisht adoleshenti

Policia e Vlorës ka arrestuar një 22-vjeçar dhe ka proceduar në gjendje të lirë një adoleshent, të cilët në bashkëpunim me njëri-tjetrin vodhën një automjet në një nga lavazhet e qytetit bregdetar.

Në një njoftim për media, bëhet me dije se pas marrjes së njoftimit, policia dhe “Shqiponjat” kapën dy personat, pas 30 minutash ndjekje.

Makinë e drejtonte shtetasi me iniciale A. Z., 22 vjeç dhe kishte pasagjer shtetasin A. H., 17 vjeç, banues në Vlorë.

Vlorë/Reagimi në kohë i shërbimeve të Policisë parandalon vjedhjen e një automjeti.

 

Vodhën një automjet në “Plazhin e Ri”, në Vlorë, reagimi në kohë i Policisë bëri të mundur lokalizimin dhe ndalimin pas rreth 30 minutash ndjekjeje, të 2 shtetasve që kishin vjedhur  automjetin. 

 

Policia vuri në pranga një 22-vjeçar që drejtonte automjetin e vjedhur dhe një 17-vjeçar që ishte pasagjer në këtë automjet. 

 

Shërbimet e Policisë që patrullonin në territor, për garantimin e rendit dhe sigurisë, morën njoftim për vjedhjen në një lavazh, të një automjeti në  pronësi të shtetasit S. G., në afërsi të “Plazhit të Ri”, Vlorë.

 

Me marrjen e njoftimit, shërbimet e Komisariatit të Policisë Vlorë dhe forcat “Shqiponja”, falë reagimit në kohë dhe si rezultat i kontrollit të territorit, lokalizuan automjetin dhe u vunë në ndjekje të tij.

 

Pas rreth 30 minutash ndjekjeje, bënë të mundur bllokimin e automjetit, të cilin po e drejtonte shtetasi A. Z., 22 vjeç dhe kishte pasagjer shtetasin A. H., 17 vjeç, banues në Vlorë.

 

Në përfundim të veprimeve u bë arrestimi në flagrancë i shtetasit A. Z., 22 vjeç, si dhe nisi procedimi në gjendje të lirë për shtetasin A. H., 17 vjeç, për veprën penale “Vjedhja”, kryer në bashkëpunim.