Vrau tre persona në Lezhë para 31 vitesh, ekstradohet nga Italia Bardh Lula

Një 54-vjeçar shqiptar, i shpallur në kërkim prej 31 vitesh për një vrasje të trefishtë është ekstraduar nga Italia këtë të mërkurë (22 maj). Nëpërmjet një njoftimi për mediat, Policia bën me dije se 54-vjeçari njihej me dy emra, Bardh Lula alias Bardhyl Luli.

Ai është shpallur fajtor për një vrasje të trefishtë të ndodhur në vitin 1993, në Torovicë të Lezhës, në vendin e quajtur “Kroi i Denicës” dhe është dënuar me 25 vjet burgim. Pas vrasjes, ai u arratis drejt Italisë, ku jetoi me dokumente false.

Arrestimi i tij erdhi si rezultat i koordinimit të punës së Policisë së Shtetit me zyrat homologe të Interpolit, në Tiranë dhe në Romë.

/a.r