Zbardhen 7 vjedhje në Tiranë, arrestohen 3 persona

Policia e Tiranës ka zbardhur dhe dokumentuar 7 vjedhje të kryera ditët e fundit në kryeqytet dhe ka vënë në pranga 3 persona.

Në kuadër të operacionit “Good stars” u bë arrestimi i shtetasve A. N., 53 vjeç, banues në Fushë Krujë, E. A., 30 vjeç, dhe G. D., 40 vjeç, banues në Tiranë.

Nga veprimet hetimore ka rezultuar se 3 shtetasit, ditët e fundit, kanë kryer vjedhje të ndryshme në zonën e Tiranës.

Shtetasi E. A., dyshohet se ka vjedhur një shumë parash në një biznes në sheshin “Karl Topia”, ndërsa dy shtetasit e tjerë, dyshohet se kanë vjedhur shuma parash në 6 banesa, në kohë dhe vende të ndryshme./vizionplus.tv