Zbardhet konflikti që përgjaku Korçën, kush janë dy viktimat nga arma e zjarrit (FOTO)

Pamje të rënda vijnë nga qyteti i Korçës, ku Ilo Lluka qëlloi me armë zjarri Emiljano Pinen alias Jorgo Priftin, duke i marrë jetën dhe më pas vrau dhe veten.

Dy trupat shfaqen shumë pranë njëri tjetrit, të mbuluar me çarçafë dhe njolla gjaku, teksa është zbardhur dhe arsyeja e këtij krimi të rëndë.

Pista kryesore për të cilën po heton policia ka të bëjë me një problem pronësie.

Ilo Lluka ka shkuar në vendin e ngjarjes aty ku Pine ka qenë në lokal duke pirë kafe, të cilit i ka kërkuar për të dalë jashtë dhe në momentin që ka qenë në porta e lokalit e ka qëlluar disa herë duke e lënë të plagosur rëndë e me pas ka qëlluar veten duke gjetur vdekjen e menjëhershme.

Babai i autorit të ngjarjes Ilo Lluka bashkëjetonte me nënën e Emiljano Pine. Ka pasur një konflikt pasi, babai i autorit ka dashur që shtëpinë e tij t’ja linte trashëgim djalit të bashkëjetueses Emiljano Pines.

Gjatë mbrëmjes së sotme Ilo Lluka ka shkuar në lokalin ku po pinte kafen Emiljano e ka thirrur atë jashtë dhe e ka qëlluar me 4 plumba. Më pas ka qëlluar dhe veten.

“Më datë 28.02.2024, rreth orës 20:25, në lagjen nr. 18, Korçë, rruga “Koço Golniku”, një shtetas ende i paidentifikuar, dyshohet se ka qëlluar me armë zjarri Emiliano Pine, rreth 40 vjeç, banues në Korçë, i cili ka humbur jetën gjatë transportimit për në spitalin e Korçës. Autori i dyshuar i krimit, pasi ka qëlluar 40-vjeçarin, dyshohet se është vetëvrarë me armën e krimit.

Shërbimet e Policisë kanë shkuar menjëherë në vendngjarje, ku kanë gjetur dhe sekuestruar në cilësinë e provës armën e krimit, gëzhojat. Gjithashtu janë administruar dhe po këqyren pamjet filmike nga kamerat e sigurisë. Për këtë rast është krijuar një grup i posaçëm hetimor i cili po punon për zbardhjen dhe dokumentimin e plotë të ngjarjes, si dhe për identifikimin e autorit të ngjarjes”, tha policia e Korçës në një njoftim paraprak për mediat.

/a.r